Það blés hressilega á kylfinga í bændaglímu GÞ 2011. Þrátt fyrir rok, þá skemmtu 19 kylfingar sér vel og áttu góðan dag saman. Skipt var í tvö lið og bændur voru Ingvar og Guðmundur. Fyrri umferðina var leikið Texas-holukeppni og seinni umferðina var leikið einstaklings holukeppni. Á milli umferða var farið yfir stöðuna og var Rauða liðið, þar sem Ingvar var bóndi, strax komið með talsverða yfirburði og leiddi eftir fyrri umferð með 4 vinningum gegn 1 vinning frá Bláa liðinu. Það var því vitað mál að það yrði á brattan að sækja hjá Bláa liðinu og reyndist það raunin. Eftir seinni umferðina var það Rauða liðið sem hafði tögl og haldir í keppninni og sigraði að lokum með 8 vinningum gegn 4 vinningum Bláa liðsins.

Eftir að úrslit voru kunngjör, þá tók á móti kylfingum rjúkandi heit kjötsúpa sem Guðrún Ísfold kokkaði fram með sinni einstöku snilld.

Eftir matinn, var tilkynnt um sigurvegara í innanfélagsmótaröð GÞ í punktakeppni. En það var Marteinn sem sigraði punktamótin, enhann lék afbragðs gott golf. Hann hlaut í verðlaun frítt árgjald í klúbbinn á næsta ári. Í öðru sæti var Magnús Guðfinns og í þriðja sæti var Óskar Gísla.

Það var mál manna að golfsumarið tókst í alla staði mjög vel og menn hlakka til að takast á við næsta verkefni sem er vetrargolf.

Mótanefnd GÞ þakkar kylfingum kærlega fyrir sumarið og vonast til að sjá sem flesta á vellinum næsta sumar.

Rauða liðið 2011

Sigurvegarar í innanfélagsmótaröð GÞ - á myndina vantar Magnús Guðfinns